БОАЖ-ын сайд Н.Уртнасан богино хугацаанд чамгүй ажил амжуулж, салбараа гацаанаас гаргах нь

Дэлхий нийтээр хорио цээрийн дэглэм тогтоож, хянуур хашир, хөлөө тушуулсан байдалтай жил дамнан гурван ч оныг дамжаад байгаа энэ цаг үед хамгийн их эрсдэл үүрч хямраад байгаа салбар бол “Аялал жуулчлал”.

Монгол Улсын хувьд 2020 онд салбарын орлого 65.8 хувиар буурчээ. Аялал жуулчлалыг хөгжүүлэх олон талт бодлогууд багагүй яригддаг ч яг ажил хэрэг болгоод бариад явчих тогтвортой удирдлага менежмент өгүүлэгдэж байна гэж салбарынхан нь үздэг. 

Тэгвэл шинэ засгийн газрын тэргүүн Улс орныг хөгжүүлэх тэргүүлэгч зургаан салбарын нэг нь яах аргагүй аялал жуулчлал гэдгийг онцлон, “Алсын хараа-2050” бодлогын баримт бичигт суулгасан нь гэрэл асаах эхний алхам. Удаах нь харин салбарын сайдын томилгоо гэж харж болно.

Хэдийгээр салбарын хүн биш ч БОАЖ-ын сайд Н.Уртнасан олон улсад бэлтгэгдсэн сэтгүүлч, олон талын мэдлэг чадвартай, аль ч салбарыг улирдаад явах боломжтой гэдэг нь эхнээсээ анзаарагдаж салбарынхан сайдын томилгоонд таатай үнэлгээ өгч аялал жуулчлал гацаанаас гарч хөгжих нь гэж харж эхэллээ. 

 Н.Уртнасан сайд ажлаа аваад сандал суудлын сэлгээ хийсэнгүй. Харин ч Байгаль орчин, аялал жуулчлал гэх хоёр том салбарт өмнө эхлээд дуусгаж амжаагүй ажлуудын гүйцэтгэлийг хангуулж, цаашид үргэлжлүүлэх, хамтын ажиллагааг улам сайжруулах талаар шуурхай ажиллаж байгаа нь хэн хүний нүдэнд анзаарагдаж эхэллээ.

Богино хугацаанд амжуулан Япон, Хятад, Чех зэрэг улсын Элчин сайдуудтай байгаль орчноо хамгаалах, орон нутгийг ногооруулах, моджуулах, жуулчин татах чиглэлээр цахимаар болон биечлэн үр дүнтэй уулзалтууд хийсэн байна.

Түүнчлэн Ерөнхий сайд болон бусад сайдуудтай санал солилцож, Аялал жуулчлалын салбарынхаа 2300 аж ахуйн нэгжийн 88 мянган ажлын байрны төлөөллүүдтэй хэд хэдэн удаа чуулаад амжлаа. Салбарын уулзалтын үеэр гүйцэтгэх засаглалын тэргүүнийг байлцуулан алдаа оноо, ахих боломж гээд нэлээд өргөн хүрээтэй санал солилцож, асуудлуудыг хэлэлцэж цаашид төрийн бодлогын хүрээнд дэмжих чухал шийдлүүдийг ярилцсан юм.

2019 онд 577.300 жуулчин ирж, энэ салбар 607 сая төгрөгийн орлого олж байсан бол цар тахалын улмаас 2020 онд салбарын орлого 65.8 хувиар буураад байгаа тус салбарт ийнхүү анхаарал хандуулж байгаад аялал жуулчлалынхан ихээр олзуурхаж шинэ сайдад талархан цаашид хамтран ажиллахад урамтай байгаагаа илэрхийлсэн.

Мөн тусгайлан хөрөнгө тусгаж, зээлд хамруулах, хөнгөлөлт үзүүлэх, шалгуурыг бууруулах хэрэгтэй байгааг ч Ерөнхий сайд Л.Оюун-Эрдэнэ болон  Байгаль орчин, аялал жуулчлалын сайд Н.Уртнасанд учирлаж хүсэлт гаргаж байгаагаа уламжилсан юм.

Уулзалтуудаас онцлох бас нэг зүйл нь “Үндэсний зоог”-ийн танилцуулага. Монгол үндэснийхээ зоог, идээ ундааг дэлхийд таниулах хэмжээнд хүргэх зорилт тавьж байгаа. Уулзалт, арга хэмжээнд цагаан, улаан, ногоон, шар идээ, цай унд гэсэн 5 төрлийн 40 бүтээгдэхүүн дэлгэсэн нь гадна, дотны хэн бүхэнд таатай сэтгэгдэл, талархал төрүүлж бусад салбарынханд үлгэр болохуйц шинэлэг байгааг Ерөнхий сайд тодотгосон юм.  

Жилийн жилд л улирлын чанартай орхигдож байдаг аялал, жуулчлалын салбарынханыг ийнхүү анхаарч, нэн тэргүүнд хэлэлцсэнд салбарынхан ихэд талархаж байгаагаа илэрхийлсэн. Энэ нь тэдэнд урам өгч Н.Уртнасан сайд ажлаа шуурхай зохион байгуулж, урагш татах чавдар зүтгэл байгааг илтгэж байнгаад  ам сайтай байна.

---