Шүдээ угаах дадлыг өөрөө үлгэрлэн сургаарай 11 сарын өмнө    |    Davaasuren G

Эрт илрүүлгийн мэдээгээр бага насны хүүхэд, өсвөр насныхны дунд шүдний цооролт /4-5 шүд/ өвчний тархалт өндөр байгаа тул аав, ээж, асран хамгаалагч нар хүүхдийнхээ шүдийг жилд 2 удаа тогтмол эмчид үзүүлж, зөвлөгөө авч эмчлүүлээрэй. Шүдээ угаах дадлыг өөрөө үлгэрлэн сургаарай.

Шүдээ хэрхэн зөв угаах вэ?

• Шүдийг зөв чиглэлээр угааснаар бүх гадаргуу нь жигд цэвэрлэгдэнэ.
• Сойзыг буйлтай 45 градусын налуутай барих
• Буйлнаас шүд рүү шүүрдэх чиглэлээр хөдөлгөөн хийж угаана
• Шүдээ угаахдаа дарааллын дагуу угаавал нэг ч шүд орхихгүй
• Хэт их хүчээр дарж угаахгүй байхыг анхаараарай!
• Хугацаа болон давтамж чухал. 3 минутаас багагүй хугацаа зарцуулах. Өглөө, өдөр, оройн хоолны дараа, мөн унтахын өмнө заавал шүдээ угаагаарай. (Орой унтахын өмнө шүдээ угаасны дараа юм идээд унтвал ямар ч үр дүнгүй шүү)
• Шүдээ угаахдаа хэлээ цэвэрлэхээ мартаж болохгүй шүү!

Сойзны үсээр эсвэл зориулалтын хэлний сойз, өнгөр хусагч ашиглаарай! Хэлний угаас үзүүр рүү чиглэлтэйгээр цэвэрлээрэй хэмээн НЭМҮТ-өөс зөвлөж байна.

---