Маргааш зарим нутгаар нойтон цас орно

Маргааш тавдугаар сарын 8-ны өдөр баруун аймгуудын нутгийн зарим газар, төвийн аймгуудын баруун болон хойд хэсгээр,

• 9-нд баруун болон говийн аймгуудын зарим газар, төвийн аймгуудын ихэнх нутаг, зүүн аймгуудын нутгийн хойд хэсгээр,
• 10-нд төв болон зүүн аймгуудын зарим газраар,
• 11-нд Увс нуурын хотгор болон Онон, Улз, Халх голын сав газраар бороо, уулаараа нойтон цас орно. 

Иймд цаг агаарын байдлыг тооцоолж эрсдэлээс урьдчилан сэргийлэх, зам даваанд халтиргаа гулгаа үүсэж болзошгүйг тооцоолж аян замд гарахыг ОБЕГ-ын Урьдчилан сэргийлэх газраас зөвлөлөө. 

---