Залуу, эрдэмтэн судлаачдын чуулга уулзалт болно

Монголын залуу эрдэмтэн судлаачдын VII чуулга уулзалт маргааш (2024.05.14) Улаанбаатар хотод болно. 

Дөрвөн жил тутамд зарладаг уг уулзалт энэ жил 7 дахь удаагаа “Шинжлэх ухааныг хүртээмжтэй болгоё” уриан дор зохион байгуулагдах гэж байна. Энэ удаагийн уулзалтыг Монголын залуу эрдэмтдийн холбоо, БШУЯ, ШУА, Шинжлэх ухаан технологийн сан хамтран зохион байгуулахаар болжээ.

Монголын залуу эрдэмтдын холбоо 2004 оны дөрөвдүгээр сарын 22-нд анх үүсгэн байгуулагдаж байжээ. Үүсгэн байгуулагдсны 20 жилийн ойгоо тохиолдуулан зохион байгуулж буй энэхүү чуулга уулзалтад нийт 400 гаруй залуу судлаач оролцож асуудлаа хэлэлцэн, амжилт бүтээлээ ярилцах ажээ

---